FTII संपाविषयी श्री. अरुण खोपकर यांचे अनावृत पत्र

हे पत्र इथे देण्यामागे काही उद्देश आहे का? केवळ माहितीसाठी दिले असेल तर त्यासाठीच्या अन्य खास धाग्यामध्ये लिंक देऊन चालले असते. कारण धागाकर्त्याने यावर आपले मत व्यक्त केलेले नाही.

बरीसची विनोदी विधाने वाचुन करमणुक झाली.

आपली लोकशाही आणि देशाची घटना यांच्या रक्षणासाठीही हा संप अतिशय महत्त्वाचा आहे.

काँग्रेस बद्दल बोलताना

या नियुक्त्यांसाठी सुमारपणा आणि लाचारी हे आवश्यक आणि पुरेसे गुण मानले नाहीत.

पल्लवी जोशी आणि संतोष सिवन यांच्यासारखे लोक या ितसऱ्या दर्जाच्या, टुकार होयबांबरोबर काम करू शकत नाहीत.

सिवन का शिवन ह्या माणसाचा असोका का अशोका हा सिनेमा १ तास बघितल्यावर जी शुद्ध हरपली ती सिनेमा संपल्यावरच परत आली. नवरा खोपकरांच्या ह्या पत्रा सारखी उघडीवाघडी करीना असल्यामुळे अजुन थोडा वेळ सिनेमा बघु शकला. तिने स्वताला झाकुन घेतल्यावर त्याची सुद्धा शुद्ध हरपली.

गुणवत्ता असणारे आणि प्रावीण्य मिळवलेले लोक जर एफटीआयआय, सेन्सॉर बोर्ड, टीआयएफआर, आयआयएम, नालंदा विद्यापीठ किंवा इतर कोणत्याही उत्तम, राष्ट्रीय संस्थेच्या प्रमुखपदी नेमले तर त्यांच्यामुळे एकाधिकारशाही सरकारला धोका उत्पन्न होऊ शकतो.

आज देशावर एक टोळधाड आली आहे. ितने आपला स्वातंत्र्यसूर्यदेखील आपल्याला िदसेनासा झालेला आहे.

ही दोन तर खतरनाक वाक्य आहे. रागांना सुद्धा सुचली नसती.

मोदींना किंवा फडणवीसांना माझी कळकळीची विनंती आहे की ह्या असल्या लोकांसमोर पण तुकडे फेकावेत म्हणजे मला असली पत्र तरी वाचावी लागणार नाहीत.

बाकी सगळं ठीक आहे.

आज देशावर एक टोळधाड आली आहे. ितने आपला स्वातंत्र्यसूर्यदेखील आपल्याला िदसेनासा झालेला आहे. जागरूक िवद्यार्थ्यांनी आपल्या लोकशाही आिण न्याय्य हक्काकरता केलेला हा संप ही ह्या प्रचंड काळ्या ढगाच्या कडेची एक छोटी रूपेरी प्रकाशरेषा आहे. हा प्रकाश जर आपण वाढवू शकलो, इतर क्षेत्रांपर्यंत पोचवू शकलो, मानव, पशू आिण वनस्पती ह्यांना नष्ट करू पहाणाऱ्या ह्या टोळधाडीच्या प्रतिकारात आपण सहभागी झालो, तर अंधारापासून प्रकाशज्योतीकडे जाणाऱ्यांचे आपण सहप्रवासी होऊ.

पण हे काहीही लिहिलंय.

अरुण खोपकर यांच्या कामाविषयी प्रचंड आदर आहे. फिल्म इन्स्टिट्यूटमधल्या संपाला माझा पाठिंबा आहे. या संपाचं महत्त्व अनेक अंगांनी मोठं आहे, हे मला मान्य आहे. पण तरीही या पत्राचा सूर अजिबातच आवडला नाही.

फिल्म इन्स्टिट्यूटमध्ये येणार्‍या विद्यार्थ्यांची कसून परीक्षा घेतली जाते, या विधानाला काय अर्थ आहे? बाकीच्या शिक्षणसंस्थांमधले आणि क्षेत्रांमधले विद्यार्थी हरहमेशा खोटी प्रमाणपत्रं घेऊन येतात का की त्यांना प्रवेशपरीक्षा नसतात? की त्यांच्याकडे फुकट घालवायला चिकार वेळ असतो? त्यांच्या त्यांच्या क्षेत्रात त्यांना गूळखोबरं घेऊन बोलावणं सरसकट तयारच असतं? या पत्रातून तसं कळत नकळत दर्शवलं जातं आहे असं वाटलं. हे अनावश्यक आहे.

कॉन्ग्रेसनं संस्था उभारल्या, हे दुसरं विधान. तेव्हा सत्तेत कॉन्ग्रेस होती. त्यांनी उभारणीची अनेक पायाभूत कामं केली. त्यात या संस्थाही आल्याच. शिवाय तेव्हाचे कॉन्ग्रेसमधले नेतेही कॉन्ग्रेसचे नेते या लेबलापेक्षाही देशाचे नेते या लेबलाखाली चपखल बसतील असे होते. तसं पुढे कॉन्ग्रेसमध्ये उरलं का? मग कॉन्ग्रेसला या गोष्टीचं फुकाचं श्रेय देण्याचं कारण? वाईट राज्यकर्ता - मग तो कोणत्याही रंगाच्या पक्षातला असो - या संस्था बळकावण्याचा प्रयत्न करतो आणि ते केव्हाही निषेधार्हच आहे. इथे उगाच कॉन्ग्रेसची ओढूनताणून भलामण करणं अनावश्यक आहे. या विषयाशी त्याचा मला काही संबंध दिसत नाही.

'होयबा वृत्ती' आणि 'सुमारपणा' या दोन्ही गोष्टी एकच नव्हेत. कमालीचे बुद्धिवान, कर्तृत्ववान आणि प्रतिभावान लोकही होयबा असू शकतातच या मुद्द्याकडे लेखकाचं दुर्लक्ष होतं आहे का, असंही वाटलं.

संपाला पाठिंबा देणारं हे पत्र नको त्या वादांचं मोहोळ तेवढं उठवेल, आणि त्यातून संपाचं नुकसानच होईल, अशी भीती हे पत्र वाचून वाटली.

१९९७ पासून तिथे विद्यार्थी असलेला एक महाभाग तिथे आहे असे फेसबुकवर फिरत आहे. खरेखोटे माहित नाही.पण २००८ पासून तिथे असलेले विद्यार्थी आहेतच. ७ वर्षे झाली तरी प्रोजेक्ट पूर्ण करू न शकणार्‍या सुमार दर्जाच्या विद्यार्थ्यांविषयी खोपकरांचे मत काय आहे? आणि प्रशांत पाठराबेंबरोबर हुल्लडबाजी करणार्‍या विद्यार्थ्यांविषयी खोपकरांचे मत काय? अरेरे फार अपेक्षा केली का खोपकरांकडून?

आज देशावर एक टोळधाड आली आहे. ितने आपला स्वातंत्र्यसूर्यदेखील आपल्याला िदसेनासा झालेला आहे. जागरूक िवद्यार्थ्यांनी आपल्या लोकशाही आिण न्याय्य हक्काकरता केलेला हा संप ही ह्या प्रचंड काळ्या ढगाच्या कडेची एक छोटी रूपेरी प्रकाशरेषा आहे. हा प्रकाश जर आपण वाढवू शकलो, इतर क्षेत्रांपर्यंत पोचवू शकलो, मानव, पशू आिण वनस्पती ह्यांना नष्ट करू पहाणाऱ्या ह्या टोळधाडीच्या प्रतिकारात आपण सहभागी झालो, तर अंधारापासून प्रकाशज्योतीकडे जाणाऱ्यांचे आपण सहप्रवासी होऊ.

असे लिहिणार्‍या लोकांकडून अपेक्षा करणे हीच चूक आहे असे दिसते.

एफ्टीआयायमधले सगळे संत आहेत असा जो कांगावा सुरू आहे तो धादांत खोटा आणि तितकाच संतापजनक आहे. पण माध्यमं यांचीच आणि यांच्या निष्ठाही विशिष्ट ठिकाणी विकलेल्या आहेत तेव्हा ते किमान त्यांच्या विकाऊ अजेंड्याशी प्रामाणिक आहेत असे तरी नक्कीच म्हणता यावे.

आज देशावर एक टोळधाड आली आहे. ितने आपला स्वातंत्र्यसूर्यदेखील आपल्याला िदसेनासा झालेला आहे. जागरूक िवद्यार्थ्यांनी आपल्या लोकशाही आिण न्याय्य हक्काकरता केलेला हा संप ही ह्या प्रचंड काळ्या ढगाच्या कडेची एक छोटी रूपेरी प्रकाशरेषा आहे. हा प्रकाश जर आपण वाढवू शकलो, इतर क्षेत्रांपर्यंत पोचवू शकलो, मानव, पशू आिण वनस्पती ह्यांना नष्ट करू पहाणाऱ्या ह्या टोळधाडीच्या प्रतिकारात आपण सहभागी झालो, तर अंधारापासून प्रकाशज्योतीकडे जाणाऱ्यांचे आपण सहप्रवासी होऊ.

प्यारासाईटांचा माज ही या गोष्टीची दुसरी बाजूही त्यानिमित्ताने उजेडात आली हेही नसे थोडके. मागे आयायटी वाल्यांना भारतात नोकरीचा बाँड पायजे वगैरे वर सगळे पित्त खवळून मते मांडत होते, आता का वाचा बसली म्हणे? ऊप्स विसरलो, सरकारला विरोध केला म्हणजे संतमहात्मे झालो हा भ्रम प्रोप्यागेट करायचा याहून भारी चान्स कुठे गावणार म्हणा. अगदी बरोबरे.

अन हो, गजेंदर चौहानचा मी समर्थक वगैरे नाही. म्हणजे जे सरसकटीकरण करायचं त्यात हा मुद्दा नको, बाकीचे मुद्दे टाका नेहमीचे जे काय असतील ते.

विनाकारण निरर्थक श्रेण्या देऊन प्रतिसाद हाईड करवण्याचा प्रयत्न आवडला नाही.
एकतर तो त्या श्रेणीबरोबर येणार्‍या सुविधेचा गैरवापर आहे आणि इतरांनी ज्यांनी प्रतिसाद वाचला नाही त्यांच्यावर थेट अन्यायकारक आहे (उघडून वाचता येतो हे मान्य पण या धाग्यावर किती तरी प्रतिसाद मग तसेच वाचावे लागले आधी).

ज्यांचा प्रतिसाद आहे त्यांना ही हे वैतागवाणेच असणार.

आज देशावर एक टोळधाड आली आहे. तिने आपला स्वातंत्र्यसूर्यदेखील आपल्याला िदसेनासा झालेला आहे. जागरूक विद्यार्थ्यांनी आपल्या लोकशाही आणि न्याय्य हक्काकरता केलेला हा संप ही ह्या प्रचंड काळ्या ढगाच्या कडेची एक छोटी रूपेरी प्रकाशरेषा आहे. हा प्रकाश जर आपण वाढवू शकलो, इतर क्षेत्रांपर्यंत पोचवू शकलो, मानव, पशू आणि वनस्पती ह्यांना नष्ट करू पहाणाऱ्या ह्या टोळधाडीच्या प्रतिकारात आपण सहभागी झालो, तर अंधारापासून प्रकाशज्योतीकडे जाणाऱ्यांचे आपण सहप्रवासी होऊ.

असे कोण म्हणते? टोळधाड म्हणजे काय? संसदेत महुमताने निवडूण आलेल्या लोकनियुक्त सरकारचे निर्णय म्हणजे हुकुमशाही किंवा एकाधिकारशाही असे कसे म्हणता येइल?

एफटीआयआयच्या विद्यार्थ्यांच्या निवडीसाठी घेतल्या जाणाऱ्या प्रवेश परीक्षांमधे उमेदवारांच्या बुद्धिमत्तेची आणि माहितीची कसून तपासणी घेतली जाते (कित्येक विद्यार्थ्यांकडे आणि राजकारण्यांकडे आज सर्रास दिसणाऱ्या नकली आणि बनावट प्रमाणपत्र-शपथपत्रांसारखं हे प्रकरण नाही.) हे विद्यार्थी बुद्धिमान, सज्ञान आहेत आणि जबाबदार

मग इतरत्र सरकारी /खाजगी शिक्षणसन्स्थामध्ये किंवा नोकर्यामध्ये डुप्लिकेट सर्टिफिकेट वाले लोक भरले जातात असा तुमचा आरोप आहे का? पुरावे देवू शकल का?

श्री. गजेंद्र चौहान आणि त्यांच्याच वकुबाच्या, सरकारची मेहेरनजर असणाऱ्या लोकांची नियुक्ती करण्यामागचं एकमेव कारण त्यांची हांजीहांजीगिरी हे आहे. राष्ट्रीय संस्थांवर नियुक्ती होण्यासाठी सुमारपणा आणि हांजीहांजीगिरी हे फक्त दोन गुणच सध्याच्या राज्यकर्त्यांना अत्यावश्यक आणि पुरेसे आहेत. जे सुमार कुवतीचे नाहीत

त्यांची नियुक्ती झाल्यानन्तर एक दिवसदेखिल काम न करु देता पूर्वग्रहदूषित आरोप लावून आन्दोलन करणे हे शहाणपणाचे लक्षण आहे ,असे कसे म्हणता येइल? त्याना वर्षभर काम तर करु द्या. नन्तर काय ते मूल्यमापन करा की....

१. माझा संपाला पाठिंबा आहे, कारण सद्य गजेंद्र चौहान यांच्या नियुक्तीमुळे -माझ्या कररूपी पैशावर जी संस्था चालते- त्या संस्थेचे महत्त्वाचे उद्देश पूर्ण करण्यास ती संस्था लायक राहिलेली नाही असे माझे मत आहे.
२. मात्र वरील पत्रातील कित्येक मुद्दे चर्चा अनावश्यक ठिकाणी वळवणारी आहेच शिवाय सूर काहीसा आढ्य आणि अभिनिवेशी आहे.
२अ. माझ्यालेखी विद्यार्थी कसे आहेत (कित्ती कित्ती ग्रेट किंवा फुकटे किंवा कसेही) याचा आणि त्या संस्थेत कोणत्या लायकीची लोकं नेमावी याचा काहीही संबंध नाही. माझ्या कररुपी पैशावर एका उत्तम रितीने चालणार्‍या या चांगला इतिहास असणार्‍या संस्थेवर एक उत्तान चित्रपट बनवणार्‍याला बसवणे एक करदाता म्हणून मला मंजूर नाही. तेव्हा तिथे सिलेक्शन प्रोसेस कित्ती छान आहे वगैरेचा संबंध खोपकरांनी का लावावा? इथे नुसता "आम्ही कित्ती ग्रेट" अशी आत्मस्तुती वाटते. (असालही किंवा नसालही इथे तो मुद्दा यावाच का?)

२ब. काँग्रेसचा इथे संबंध कुठे आला? काँग्रेसेतर सरकारांनीही चांगल्या व्यक्ती नेमल्या आहेत. एन्डीए सरकारने एका वैज्ञानिकाला राष्ट्रपती बनवले आहे. तर कित्य्तेक काँग्रेसेतर राज्यसरकारांनीही त्यांच्या अखत्यारीत सुयोग्य नेमणूका केल्या आहेत. इथे चौहान नियुक्ती होणे गैर आहे, त्याबद्दल सद्य सरकारला जरूर जाब विचारायला हवा. पण त्यासाठी काँग्रेसची भलामण कशाला?

२क.

आज देशावर एक टोळधाड आली आहे. तिने आपला स्वातंत्र्यसूर्यदेखील आपल्याला िदसेनासा झालेला आहे. जागरूक विद्यार्थ्यांनी आपल्या लोकशाही आणि न्याय्य हक्काकरता केलेला हा संप ही ह्या प्रचंड काळ्या ढगाच्या कडेची एक छोटी रूपेरी प्रकाशरेषा आहे. हा प्रकाश जर आपण वाढवू शकलो, इतर क्षेत्रांपर्यंत पोचवू शकलो, मानव, पशू आणि वनस्पती ह्यांना नष्ट करू पहाणाऱ्या ह्या टोळधाडीच्या प्रतिकारात आपण सहभागी झालो, तर अंधारापासून प्रकाशज्योतीकडे जाणाऱ्यांचे आपण सहप्रवासी होऊ.

हा परिच्छेद निव्वळ मुठी आवळून अभिनिवेश व्यक्त करणारा आहे. त्यामागील भावना सच्ची असली (आहेच) तरी खोपकरांसारख्या व्यक्तीने असे लिहिणे फारच भडक वाटते. अश्या अभिनिवेषामुळे सध्याची भक्तमंडळी, भाजपेयी आणि खोपकरांसारख्या व्यक्तीमध्ये फरक करण्याची एक संधी कमी का होऊ द्यावी?

चोप्रांचे महाभारत पाहिले तेंव्हा युधिष्ठिराचे काम करणारा कोण, हे माहीतच नव्हते. तो पुढे कधीतरी इतका प्रसिद्ध होईल असे वाटले नव्हते. आज मोदी सरकारने आणि ऐसीने त्याला इतकी प्रसिद्धी मिळवून दिली आहे की त्या जोरावर तो काही नवीन सिनेमे मिळवून आयुष्याची (रहायलेली) कमाई करु शकेल.
मोदी तुमचे भले करो.

मा. अरुण खोपकर साहेब,
आपण पहिल्या परिच्छेदात आपली जी माफक पात्रता सांगीतली ती खरोखरीच माफक आहे याचा प्रत्यय लेखातील पुढील परिच्छेद वाचून आलाच.

करोडो भारतीयांप्रमाणे मी देखील एक बालबुद्धी असलेला प्रेक्षक आहे आणी काही काही वेळा मला तद्दन गल्लाभरु चित्रपट आवडतात तसेच कधी कधी काही काही दर्जेदार चित्रपट देखील आवडतात (आता मला स्वतःची स्तुती करणे आवडत नाही पण मला काहीजण गाढवदेखील म्हणतात. कारण गाढवाला उकीरडा काय आणि पंचपक्वान्न काय सगळे सारखेच.) असो. हे झाले माझ्या पात्रतेबाबत.

सुरुवातीला सुरुवातीला जेव्हा एफटीआयआय बद्दल तुरळक बातम्या येत होत्या तेव्हा मला एफटीआयआय म्हणजे आयटीआयप्रमाणेच एखादी तालुका / जिल्हा पातळीवरची संस्था असावी असे वाटत होते. पण जेव्हा गदारोळ जास्त वाढत गेला तेव्हा या संस्थेबद्द्ल वाचणे क्रमप्राप्त झाले. ( क्रमप्राप्त झाले म्हणजे सगळीकडे तीच चर्चा चालू असल्यामुळे ती टाळणे शक्य नव्हते एवढेच). इथे या संस्थळावर देखील अगदी झडझडून चर्चा झाली. जणु काही दिवस हा भारतीयांचा जीवनमरणाचा प्रश्न झाला होता.

'गजेंद्र' या व्यक्तीच्या पात्रतेबद्दल इतका गहजब का झाला ते मला अजून न उलगडलेले कोडे आहे. ते अध्यक्ष झाले आहेत ना ?
म्हणजे ते संस्थेच्या आवारात नीट झाडू मारु शकणार नाहीत की पाण्याची टाकी भरल्यावर नळ नीट बंद करु शकणार नाही म्हणून ? नक्की काय चिंता भेडसावतेय तुम्हाला ? नक्की काय कार्य असते अध्यक्षांचे ? त्यापेक्षा सचिवांना जास्त अधिकार असतात ना ? की सचिव पद नाहिये या संस्थेत ? अशा काही महत्त्वाच्या प्रश्नांची उत्तरे मिळाली असती तर बरे झाले असते.

आम्ही लहान होतो तेव्हा शाळेत १५ ऑगस्ट किंवा २६ जानेवारीला स्टेजवर एक कधीही न बघीतलेली व्यक्ती यायची. तिची ओळख अध्यक्ष म्हणून करुन देण्यात यायची. सांस्कृतिक कार्यक्रम संपल्यावर गोळ्या चॉकलेट वाटणे आणि झालच तर एक दोन मानचिन्हे वाटणे या पलीकडे त्या व्यक्तींचा वावर जाणवायचा नाही. तेव्हापासूनच कोणत्याही संस्थेचा 'अध्यक्ष' म्हणजे 'शोभेचा बाहुला' किंवा 'गुळाचा गणपती' असेच समीकरण माझ्या मनात पक्के रुजले. एवढेच नव्हे तर वेगवेगळ्या उच्च संस्स्थांमधील अध्यक्षांची नावे बघीतली आणि एक रोपटे म्हणून रुजलेल्या विचाराचा बघता बघता वटवृक्षच झाला. नाही म्हणायला काही अपवाद आढळले पण अपवादानेच नियम सिद्ध होतात असे म्हणतात ना ! मग अश्या बाहुल्यांना घाबरण्याचे तुम्हाला कामच काय ?

संसद चालू असतांना झोपणारे सदस्य, लोकसभेत / राज्यसभेत जाहिरपणे पॉर्नचे समर्थन करण्यासाठी पॉर्न बघणारे आमदार / खासदार, शोभेचेच असले तरी पदाचीच शोभा करणारे राष्ट्रपती, बुवा बायांच्या नादी लागलेल्या महनीय व्यक्ती. एक ना दोन. ढिगाने उदाहरणे देता येतील. एवढी सगळी होलसेल मधे गेलेली इज्जत किरकोळ वागण्यातून परत कशी आणणार ?
पण अशी कैक उदाहरणे डोळ्यासमोर असतांनादेखील आम्ही निराश झालो नाही. 'दिस जातील दिस येतील, भोग सरलं, सुख येईलं' किंवा 'एक धागा सु:खाचा नी शंभर धागे दु:खाचे' या टुकार गाण्याच्या ओळींना आम्ही तत्त्वज्ञानाचा दर्जा देऊन पुढे वाटचाल करत राहिलो. विश्वास ठेवा, पण हे तत्त्वज्ञान माझ्यातरी कामी आलयं.

तुम्ही म्हणताय तसं ही संस्था आंतरराष्ट्रीय दर्जाचं उत्कृष्ट काम करण्याचा प्रयत्न करतेय म्हणजे नक्की काय करतेय आणि गजेंद्रांच्या अध्यक्ष बनण्यामुळे ती कशी रसातळाला जाईल त्याचा धावता आढावा जरी तुम्ही घेतला असता तरी पत्र वाचण्याचे चीज झाले असते ही सल माझ्या मनास लागून राहिलेला आहे. आणि असा आंतराष्ट्रीय दर्जा असलेले काम जेव्हा सेन्सॉर बोर्डाच्या गावपातळीवर जगणार्‍या सदस्यांच्या पुढ्यात येते तेव्हा तुमच्या कामाचे कितपत चीज होते ? पण तो एक स्वतंत्र लेखाचा विषय आहे त्यामुळे त्याची चर्चा इथे न केलेलीच बरी.

तुम्ही म्हणता की 'गजेंद्रांसारखे लोक त्यांची गुणवत्ता जितकी कमी तितके सत्ताधाऱ्यांसमोर लवचिक वेतासारखे मागेपुढे वाकतात.' हे वाक्य तर माझ्या पचनीच पडत नाहिये. उलट कित्येक गुणवंत माणसे अजिबात लायकी नसलेल्यांपुढे लाळ घोटीत असतात याचे दाखले पदोपदी आढळतात. ज्या वृक्षाला जास्त फळे असतात ती नेहमीच वाकलेली असतात किंवा महापुरे झाडे जाती तेथे लव्हाळे वाचती असे आमच्या कानीकपाळी ओरडून सांगीतले जाते ते सर्व आज खोटेच ठरायची वेळ आलीय हे या संस्थेच्या बाबत चाललेल्या गदारोळातून लायकी असलेल्या आणि नसलेल्या दोन्ही बाजूच्या लोकांनी दाखवून दिले आहे.

किंवा तुम्ही म्हणता तसेही होऊ शकेल. पण मग ही शक्यता आहेच की ते तुमच्या संस्थेतील तुमच्यासारख्या गुणवंतांच्या तेजाने दिपून जातील. तुम्ही म्हणता त्याच मार्गावर चालतील. फक्त तुम्ही त्यांना आपलेसे करुन घेण्याचीच तर वेळ आहे. सर ! इतक्या लवकर भ्रुणहत्येचा निर्णय घेऊ नका. सरकार देतय तसं कायद्याने कमीत कमी २० आठवडयांचा तरी कालावधी द्या की.
जानु बारूआ, पल्लवी जोशी आणि संतोष सिवन यांच्यासारखे लोक या तिसऱ्या दर्जाच्या, टुकार होयबांबरोबर काम करू शकत नाहीत हे मान्य करुया. पण मग ही सगळी लोक त्यांचा चरीतार्थ चालविण्यास समर्थ आहेत हे सिद्धच आहे. पण मग सरकार दुर्बल घटकांच्या विकासाठीही कटीबद्ध असते हे विसरुन नाही चालणार ना ! की सबका साथ, सबका विकास ही घोषणा फक्त कागदावरच राहू द्यायची ?

श्री. गजेंद्र चौहानांना तुम्ही जर एकदातरी टेलिव्हीजनवर बोलताना ऐकलंत तर त्यांच्या अपात्रतेबद्दल तुम्हाला कोणतीही शंका रहाणार नाही हे जे तुम्ही म्हणता ते एकदम मान्य. किंबहुना प्रेक्षकांनी त्यांना सिनेमातून नाकारलच आहे. ते कधीही चांगला हिरो किंवा चांगला व्हिलन बनलेत असा एकही चित्रपट आठवत नाही. पण मग हाच न्याय लावायचा ठरला तर एखादया सॉफ्टवेअर कंपनीत फक्त कोडींग करणाराच अध्यक्ष होऊ शकतो असे म्हणता येते काय ? किंबहूना गजेंद्र यांना पुरेपुर उघडं (किंवा नागडं, किंवा कलात्मक दर्जाच्या भाषेत अनावृत्त, यापैकी तुम्हाला जो आवडेल तो शब्द घ्या.) करण्याच्या मोठमोठ्या संधी चालून येण्याच्या अगोदरच तुम्ही त्यांची झाकली मुठ सव्वालाखाची असं का करत आहात ?
गुणवंत माणसे एकत्र येणे, त्यांनी आपली संस्था स्थापन करणे आणि ती यशस्वीपणे चालविणे ही दिवास्वप्न आहेत हो सर ! आणि हे काय मी तुम्हाला सांगायला हवे ?

आता एवढे सगळे वाचून तुम्ही म्हणाल, 'काय सुमार दर्जाचा प्रतिसाद आहे !!' वाचण्याच्या देखील लायकीचा नाही. पण मग तुमच्यासारख्या पात्र माणसाकडून केवळ चार ओळी खरडलेला लेख आणि माझ्यासारख्याकडून दिला गेलेला प्रतिसाद यात काही दर्जात्मक फरक आहे काय याचा विचार तुम्ही करायचाय सर !

पत्रापेक्षा उत्तर जास्तच मोठ्ठं झालयं. थांबतो आता.
काही वेडेवाकडे लिहिले गेले असल्यास लहान तोंडी मोठा घास समजून दिलदारपणे माफ करा !

खोपकरांबद्दल अतीव आदर आहे. त्यांचे गजाविषयीचे म्हणणे एकदम बरोबर असले तरी संस्थेच्या विद्यार्थ्याला लै भारी म्हणणे अजिबात बरोबर वाटले नाही.
माझे जंतुना प्रश्न: डिप्लोमा फिल्म्स ह्या किती मिनिटं असतात?
वर्षाकाठी किती डिप्लोमा फिल्म्स तयार होतात?
मागील दहाबारा वर्षातल्या किती फिल्म्स आंतरराष्ट्रिय स्तरावर नावजल्या गेल्यात? डिप्लोमा फिल्म्समधील तुमच्या मते रिमार्केबल फिल्म्स कोणत्या? सुमार फिल्मसचा रेशो किती आहे? सरकारी,सरकाराश्रयी फ़िल्म फेस्टिवलांत एका सेक्शन मध्ये लागण्याव्यतिरिक्त या फिल्म्स अजून कुठे रिलीज होतात? (भारतीय सरकारी पुरस्कार नकोत. त्यांचे जॅक् लागू शकतात.) सर्व सोपस्कार पार पाडून अंतिमः संस्थेत सिलेक्ट झालेले बहुतेक विद्यार्थी सर्वसामान्य/कनिष्ठ मध्यम आर्थिक स्तरातले आहेत याचा काही विदा आहे का?

याचे प्रिपेरशन नसते;विद्यार्थ्याची अनेक अंगाने तपासणी करूनच त्याला प्रवेश दिला जातो यावरून एका पब्लिक विचारवंतपुत्राची आठवण आली. साउंड डिजाईन मध्ये प्रवेश हवा होता तेव्हा मुलाखतीत काय विचारतील याची ज़रा आतल्या गोटातून अदमास घेत ह्रदयनाथांची भावगीते,शास्रीय गायक नातेवाईकांकडून काही प्रश्नोत्तरे घोटून वगैरे त्यांनी प्रवेश मिळवून दाखविला होता. असो. ही काही शितावरुन भाताची परीक्षा नाही, पण मुलांची निवड ही काही इतकीहि भारी नाहीय. गेल्या काही वर्षात बरीच मुले सुमार निघाली आहेत हे माझं मत होत आहे. रसूल पोकट्टी आणि उमेश कुलकर्णी(हाही संस्थेत येणयपूर्वीपासूनच चित्रपटशी निगडित होता) सोडता ही संस्था किती जण त्यांच्या नोटेबल एलुमनीमध्ये दाखवू शकेल?

एकुणात फुकटे विद्यार्थी वगैरे प्रतिसाद वाचल्यावर "सीओईपी या संस्थेविषयी काहीही बोलण्याचा अधिकार मला नाही" एवढे नव्याने समजले.

मी शिकत असताना मी (माझे वडील) वर्षाला ३६० रु फी सीओईपीला देत होते. त्यावेळी सरकारला माझ्यामागे किती खर्च करावे लागत होते हे ठाऊक नाही पण त्याच वेळी चालू झालेले ज्ञानेश्वर विद्यापीठ वर्षाला ८००० रु फी घेत होते. आणि नंतर दोन-तीन वर्षात सुरू झालेली एमाअयटी/भारती विद्यापीठ ही कॉलेजे सुद्धा ८-१० हजार फी घेत होती. त्या अर्थी तितका खर्च सरकारला येत असावा. हे पाहता मी "फुकट्या विद्यार्थी" या सन्मानास पूर्णपणे लायक होतो.

एक प्राध्यापक सबमिशनसाठी विध्यार्थ्यांना फार हॅरॅस करतात अशी तक्रार घेऊन आम्ही काही विद्यार्थी प्राचार्यांना भेटलो होतो या गोष्टीची मला हा धागा वाचून फार लाज वाटू लागली आहे. शिवाय प्राचार्यांनी आमचे म्हणणे ऐकून घेतले या घटनेने आज इतक्या वर्षांनी त्या प्राध्यापकांविषयीचा आदर कमी झाला आहे. त्यांनी त्याचवेळी आम्हाला फुकटे असल्याची जाणीव करून दिली नाही आणि आम्हाला तक्रार करण्याचा हक्क आहे असे आपल्या वागण्यातून दर्शवून आमच्यावर कुसंस्कार केले असे खेदाने म्हणावे लागते.

माझ्या प्रतिसादाला उत्तर देणे अवघड वाटते म्हणून नेहमी प्रमाणे काल दिलेला प्रतिसाद हि उडविल्या गेलेला वाटते.

उगीच आखाडा पेटला आहे झालं. गजेंद्र चौहान सुमार कर्तृत्वाचे आणि एफ टी आय आय ला साजेसे नसलेले असे गृहस्थ आहेत हे मान्य करण्यासाठी इतके रण माजण्याची गरज नव्हती. मुंबई विद्यापीठात वाइस चॅन्सेलर (कुलगुरू, चॅन्सेलर म्हणजे कुलपती ना?) म्हणून संजय देशमुखांची नेमणूक झाली त्याविरुद्ध एक चकार शब्दही निषेधाचा उमटला नाही, कारण ती निवड योग्यच होती. डॉ. देशमुख तर रामभाऊ म्हाळगी प्रबोधिनीचे मुख्य होते. तरीही कोणी विरोध केला नाही. आताही भाजपचा माणूस म्हणून विरोध नाहीय तर सुमार माणूस म्हणून आहे. डॉ. वेळूकरांनाही खूप विरोध झाला, त्यांच्या कारकीर्दीतल्या सुरस चमत्कारिक कथा म.टा. आणि लोकसत्तातून सतत येत होत्या. पण मुंबईकर जरा ढीलम् ढालच रणकंदन माजवण्याबाबत.

प्रतिसादांचे शतक झाले. ही घ्या बातमी

बापरे! लेखकाचे विचार वाचून हादरलोच.

आज देशावर एक टोळधाड आली आहे. तिने आपला स्वातंत्र्यसूर्यदेखील आपल्याला िदसेनासा झालेला आहे.

या दोन वाक्यातूनच लेखकाची एकंदरीत विचारसरणी स्पष्ट झाली आणि लेखकाचा विरोध नक्की कोणाला आहे हे देखील स्पष्ट झाले.