इथे फोटो कसे चढवावेत?

थॅन्क्स. चांगले आणि हवेसे वाटणारे मार्गदर्शन. कालपरवा ग्रीक शिल्पकलेचे एकदोन फोटो इथे चढविताना गोंधळलो होतोच, शेवटी अदिती यानी आवश्यक ते मार्ग सांगितले पण तोवर बाण निसटला होता आणि प्रतिसाद फोटोशिवायच त्या धाग्यावर अवतरला. असो.

वरील विवेचनावरून पुढील वेळी प्रयोग करून पाहतोच. मी 'फोटोबकेट' वर फोटो साठवितो. त्याचा (फो.ब.चा) वरील मार्गदर्शनात उल्लेख नाही, पण मला वाटते त्याची काही अडचण येणार नाही. फक्त फोटोच्या साईझबद्दल थोडे जादाचे मार्गदर्शन करावे. म्हणजे मला वरील प्रतिमेत ६०० x ४०० असे काहीसे दिसते, तीच साईझ 'बाय डिफॉल्ट' धरावी का ? Alternative Text असा एक विकल्प तिसर्‍या बॉक्समध्ये असतो, त्याचा नेमका काय अर्थ ? किंवा असे विचारतो की, तिथे काही टंकणे गरजेचे आहे का ?

वाचनखुणा साठवायची सुविधा मिळाल्यास असे लेख हातासरशी मिळतील.

ह्या धाग्यावर चढवलेले काही फोटो मला दिसत नव्हते. त्यावरून राजे यांच्याशी काही खरडींचे आदान-प्रदान झाले (कारण मला दिसत नसलेले काही फोटो त्यांच्या मिमच्या सर्वरवर होते). प्रश्न सर्वरचा नाही हे सिद्ध झाले पण मला काही फोटो काही दिसत नव्हते.

थोडे R&D केल्यावर कळले की, फोटो अप्लोड करताना, अपलोड करणारांनी जर Width आणि Height (दोन्ही) दिली नाही तर मला ते फोटो दिसत नाहीत. दोन्ही दिले तरच दिसतात.

हे फक्त माझ्याच बाबतीत का व्हावे? ह्याला काही तांत्रीक उपाय आहे काय?

फ्लिकर वरुन फोतो कसा ताकावा?

आस्पेक्ट रेशिओ आणि संस्थळाची फोटो दाखवण्याची क्षमता याबद्दल कोणी सांगेल का ? हा प्रश्न छोटेमोठे प्रश्न इथेही देत आहे ?

मी आयती बटणं आणि रकाने वापरतच नाही. सरळ एचटीएम एल ४ कोड वापरतो. बऱ्याच संस्थळांची लिखाणाची रुंदी ६५० पिक्सेल उणे १० समासाकरता सोडून ६४० एवढी असते उभ्या बैठकीच्या चित्राला किती रुंदी ठेवावी हा विचार येतो ?

ओके

इथे फोटो कसे चढवावेत?

मॉनिटरला कोणाला तरी घट्ट पकडायला सांगावे. एक स्टेनलेस स्टीलचा लांबलचक खिळा घ्यावा. एक मजबूत हातोडा घ्यावा. हाथोड्याने खिळ्यावर दणादण प्रहार करून मॉनिटरमधे (लॅपटॉप असेल तर सुलभ पडेल) भोक पाडावे. फोटोला देखिल एक वरच्या बाजूला भोक पाडावे. मग खिळ्यावर फोटो चढवावेत.

इमेजेस ची हाइट अन विड्थ देण्याची क्षमता काढून टाकली आहे का? खवत मी ज्या इमेजेस डकवतेय त्या फार मोठ्या असल्याने अंगावर येताहेत.
क्षमता पूर्ववत देता येईल का?

१)या फोटोत इमिज कोडमध्ये फक्त width="90%"दिली आहे.

२)या फोटोत इमिज कोडमध्ये फक्त width="600" दिली आहे.

पिकासा ऑफिसात बॅन असेल तर दुसरी कोणती सर्वसुलभ साईट आहे जी उघडतेच. शिवाय तिथे एखादा फोटो डकवता येतो. जास्त प्रसिद्धी असली कि बॅन असते. हे सगळं किंवा अर्धं मोबाईलवर करणं किंवा तितक्यापुरता ऑफिसचा लॅपटॉप मोबाइलच्या हॉटस्पॉटला जोडणं किटकिट आहे.

Postimg dot org चांगली चालते. फक्त width द्यावी height देऊ नये म्हणजे खेचाखेच होत नाही असा अनुभव आहे. त्या साइटवर दोन अडीच एमबीचा फोटो असला तर मूळ डाइरेक्ट लिंकही द्यावी.

''ऐसी अक्षरे''वर व्यक्तिगत संगणकावरून थेट फोटो टाकण्याचा पर्याय न द्ण्यामागची कारणे कोणती? वेबसाईटवरून फोटो काढून टाकला गेला तर लेखातही तो दिसेनासा होतो. कधी मूळ फोटोवर काम करून (आकार बदलणे, रंग व प्रकाश सुधारणे) तो टाकावासा वाटला तर तेसुद्धा शक्य होत नाही.

थेट फोटो टाकण्याचा पर्याय न द्ण्यामागची कारणे कोणती?

- सर्वर मेमरी घेतलेली नाही.
_______________________________

- बाकी गूगल प्रत्येक जीमेल अकाउंटला १५ जीबी फ्री मेमरी देते त्याचा उपयोग करता येईल.
- तिकडे फोटो बदलून नवीन लिंक काढून इकडे संपादनाचा पर्याय आहे.
-आणि महत्त्वाचे - जे जीमेल अकाउंट गूगल प्रॉडक्टसाठी ( जीमेल, प्ले स्टोरसाठी )सेटप केलंय त्यात फोटो चढवायचे नाहीत म्हणजे डिलिट होत नाहीत चुकुन. वेबसाईटवर लॉगिन करून गूगल फोटोज मध्ये ऐसीसाठी_१, / _२/_३ वगैरे आल्बम ठेवल्यास सोपे होईल.
(( माझा अनुभव आहे, मंडळाचे उत्तर नाही. पटलं तर घ्या.))

९ वर्षानंतर हि हे असलं सगळ कराव लागत?

गूगलच्या पोत्याला छिद्रं पाडून किंवा पडलेल्या छिद्रांतून मिळालेला रवा का वापरायचा नाही?
((२००४ मध्ये बहुतेक जीमेलला २ जीबी मेमरी दिली. आता १५ जीबी. जितक्या मेलस तेवढी मेमरी मिळतेय. कुठे का ठेवेनात - क्यारोलिना /कोकण))

मी गेले तासभर प्रयत्न करतोय. मोबाइल आणि लॅपटॉप वरुन फोटो अपलोड करण्यासाठी पण प्रकाशित केल्यावर दिसत नाहीत रिफ्रेश करुन देखिल.
मी अपलोड करण्यासाठीचे फोटो गूगल ड्राइव्ह वर सेव्ह केले आहेत. त्याच्या लिंक कॉपी करुन, साइझ देउन, टायटल देउन काही केल्या इमेजेस दिसत नाहीत.

शेअरिंग बरोबर झाले आहे का नाही हे तपासण्यासाठी काही साइट्स आहेत. त्या वापरून खात्री करावी.
उदा https://app.bytenbit.com/

तिथे गूगलची शेअर लिंक टाकून 'जेनरेट इमेज लिंक' काढावी. जर पब्लिक शेअरिंग झाले असेल तरच लिंक जेनरेट होते. अन्यथा चक्र फिरत राहते.

खूप प्रयत्न करून पण हे काही जमले नाही. Piccasa बंद झाले आहे तर गूगल ड्राईव्ह वरून फोटो कसा अपलोड करावा हे चित्रांसहित दाखवून धागा अद्यावत केला तर बरे होईल

फोटो त्रयस्थ संस्थळावर (जसे: पिकासा/फ्लिकर) न चढवता थेट प्रतिसादाचा भाग म्हणून येथे चढवायचा असेल, तरीसुद्धा एक मार्ग आहे, परंतु त्याला मर्यादा आहेत.

मर्यादा:

१. फोटो JPG, PNG, BMP, GIF यांपैकी एखाद्या प्रणालीत असावा. (ॲपल आयफोनच्या HEIC प्रणालीत असल्यास थेट चढविता येणार नाही. अगोदर JPGमध्ये बदलून घ्यावा लागेल.)
२. फोटोफायलीचा साइझ १एमबीहून अधिक नसावा.

पायऱ्या:

१. या साइटीवर जाऊन तेथे फोटोफाइल चढवावी.
२. "</show code>" बटन दाबावे. वर येणाऱ्या खिडकीत 'For use in elements:' या रकान्याखाली 'data:'ने सुरू होणारा जो मजकूर असेल (याला data url म्हणतात), तो copy to clipboard करून घ्यावा.
३. 'ऐसी'वरील मजकुरात चित्राकरिता जे Image URL ऑप्शन असते, त्या जागी हे डेटा यूआरएल चिकटवावे. (पूर्वसूचना: या डेटायूआरएलचा आकार प्रचंड असतो.)

(वरील साइटीवर फोटोफाइल साठवली जात नाही. फक्त डेटायूआरएलमध्ये कन्व्हर्ट करण्यापुरती वाचली जाते. किंवा, C# कोडिंगचे ज्ञान असल्यास आणि तितकीच खाज असल्यास असे कन्व्हर्शन स्वत: करणेसुद्धा अशक्य नाही.)

उदाहरण:

.