तुझ्या नकळत
तुझ्या नकळत तुला, रतीने बघावे
अन पाहून तव रूप ,लज्जित व्हावे
.
असा ,सखे लयबद्ध पदन्यास तुझा
पैंजणास वाटे, तुज बिलगुनि राहावे
.
अशी लाजरी अबोध रमणी, असे तू
आला वसंत देही,तुज ठाऊक नसावे.
.
नाभीत जशी त्याच्या ,कस्तुरी दरवळे
तसे मम हृदयी तू ,दरवळत राहावे
.
हे काय झाले,तुला हि कळेना
ते पाहून ,मदनाने गाली हसावे
.
तारकांच्या साक्षीने विवाहबद्ध व्हावे
मी तुला अन तू सौभाग्यास मिरवावे
प्रतिक्रिया
आवडली कविता. छान आहे. विवाहा
आवडली कविता. छान आहे. विवाहा पर्यंत आलेली अन् positive attitude वाली
भांबड आलं
आवडली पण्.....
कविता आवडली. पण.... ही ओळ खटकली.
मी तुला अन तू सौभाग्यास मिरवावे
लग्न होणं हे सौभाग्य असेल तर ते स्त्रीचेच का ? पुरुषाचेही तेवढेच आहे.