पाणीचोर पाईन्स

ही कविता आठवली

बाकी कोलोरॅडो नदीचं हक्काचं पाणी वाळवंटी फिनिक्स आणि नेव्हाडाकडे वळवलं जातंय, ते थांबवून दक्षिण कॅलिफोर्नियाकडे अधिक पाणीपुरवठा व्हावा आणि यासाठी कावेरी पाणीवाटप आयोगाच्या धर्तीवर त्रिसदस्यीय समिती नेमण्यात यावी; अशी मी मागणी करतो.

पण मग त्या बाष्पाचं होतं काय? दक्षिण-मध्य केलिफोर्निया कोरडा होण्याएव्हढा जर पाण्याचा उपसा होत असेल तर तिथली आर्द्रता वाढते / वाढली आहे का? का एव्हढ्या मोठ्या पृथ्वीतलाच्या मानाने हे वाढिव बाष्प चिल्लर आहे नी कुठेतरी पाउस थोडा वाढतो एव्हढंच? त्या वरून फार दिवस डोक्यात असलेला प्रश्न विचारतो. जमिनिवरचं पाणी (म्हणजे समुद्र, नद्या, तळी वगैरे) उन्हाने तापून, त्याचं बाष्पीभवन होउन आकाशात जातं आणि कालांतराने पावसाच्या रूपाने पुन्हा जमिनीवर पडतं आणि हि पाण्याची शृंखला अथक चालू असते. ग्लोबल वॉर्मिगमुळे हवेत असलेल्या बाष्पाचं प्रमाण वाढलंय, साधारण तपमान वाढलंय तशी साधारण आर्द्रता पण वाढली आहे असं काही वाचनात आलंय का कुणाच्या?

पाठ्यपुस्तकात 'कॅलिफोर्निया' फारच समृद्ध वगैरे गोष्टी वाचल्यापासून आमचे कॅलिफोर्निया प्रेम(कॅलिफोर्निया ड्रिमिंग) ओतु जात असे, अर्थात तेंव्हा सुदान हा गवताळ प्रदेश आहे असं भुगोलाच्या पुस्तकात वाचल्याने त्याबद्दलही प्रेम होतेच, काही काळापूर्वी ती कॅलिफोर्निया(साक्रेमँन्टो) ट्रिप करणेचे झाले आणि तो ओसाड वाळवंटी प्रदेश पाहून मनाला अत्यंतिक क्लेश झाले, त्यामुळे आता सुदानभेटही टाळण्याचे योजले आहे.

बाकी तुमच्या पाणी समस्येबाबत तुम्ही अजितदादांना भेटावं असा सल्ला देऊ इच्छितो.

काय हो पिडांकाका, तुम्हा कॅलिफोर्नियन माणसांपेक्षा ते पाईन वृक्ष कमी महत्त्वाचे आहेत असं तुमचं मत आहे का? म्हणजे फेब्रुवारी मार्चपासूनच 'आमचं लॉन बघा कसं हिरवं हिरवं गार! तुमचं नुसतंच गार!' असं म्हणत इस्ट कोस्टवाल्यांना जळवता यावं यासाठी आख्खा निसर्ग वेठीवर धरणं कॅलिफोर्नियनांना शोभतं का? 'आमच्याकडचा निसर्ग इतका चांगला आहे इतका चांगला आहे की डिसेंबरमध्येसुद्धा आम्हाला शॉर्ट्स घालून फिरता येतं (एरवी अंडरवेअरवरतीच भागतं खरं तर)' असं बोंबलून दाखवणारे तुम्ही कॅलिफोर्नियन, इवलासा पाऊस कमी झाल्यावर निसर्गावर दोष ढकलता! ते काही नाही, मी तर म्हणेन बरी अद्दल घडली तुम्हाला.

(हू.. हू.. हू.. च्यायला इकडे झाली बरं का थंडी सुरू! पण आम्ही तक्रार करतोय का पहा!)

(दि.पु.चित्र्यांची क्षमा मागून)

देवा, ह्याही राज्यात पाऊस पाड!

देवा, ह्याही राज्यात पाऊस पाड!
जिथे पाण्याला येतो वाईनचा वास,
जिथे द्राक्षांच्या मळ्यात होतो रुद्राक्षांचा भास,
देवा, जिथे तू नाहीस आणि निषिद्ध आहे टेक्सास,
देवा, ह्याही राज्यात पाऊस पाड!

जिथे समर आणि विन्टर - दोन्ही ऑलिम्पिक्स निभतात,
जिथे रिपब्लिकन्ससुद्धा उत्क्रांतीवर विश्वास ठेवतात,
(आणि तरीही बर्‍याचदा क्लोजेटमध्ये असतात),^१
देवा, ह्याही राज्यात पाऊस पाड!

जिथे ट्रोजनां^२चेही डिफेन्सिव्ह बॅक्स् असतात,
जिथे हॉलिवूडची यंत्रं अखंड चालू असतात,
जिथे सिलिकॉन व्हॅलीचा ओव्हरटाईम सदैव चालतो,
देवा, ह्याही राज्यात पाऊस पाड!

कारण इथे कालच्या पावसातले गाणी गातात,
आणि पीक काढणारे यशवंत, मनोहर^३ असतात;
जिथे दुष्काळ आणि सुकाळ एकत्र नांदतात,
देवा, ह्याही राज्यात पाऊस पाड!

१. सॅन फ्रान्सिस्कोच्या लिबरल 'इन्क्लिनेशन'वरची विनोदी टिप्पणी: "In San Francisco, the only people in the closet are Republicans."

२. निरोधचा एक ब्रँड आणि 'युनिव्हर्सिटी ऑफ सदर्न कॅलिफोर्निया'ची अमेरिकन फूटबॉल टीम - या दोघांचेही नाव 'ट्रोजन'. डिफेन्सिव्ह बॅक ही अमेरिकन फूटबॉलमधली एक पोझिशन आहे. तस्मात्, विनोद स्वयंस्पष्ट असावेत :).

३. तसा टुकारच पीजे आहे; पण 'कालचा पाऊस आमच्या गावात आलाच नाही, सदरहू पीक आम्ही आसवांवर काढले आहे' ही ओळ वारंवार आठवत होती.

अती लिबरल झाल्याची शिक्षा दिली देवानं, दुसरं काही नाही! तो पॅट रॉबर्ट्सन उगाच नाही ओरडत! भोगा आता!

राष्ट्रीय महामार्ग १ आणि ५ वर 'कुठे नेउन ठेवलाय क्यालिफोर्निया माझा?' असे फ्लेक्स दिसतील बहुदा लवकरच!

माणसाची "चला निसर्ग वाचवूया" म्हणजे फक्त "माणूस" वाचवूया अशी हाळी आहे. त्यात एका अर्थी काही गैर नाहीही.
तेव्हा माणूस वाचवण्यासाठी शक्य ते प्रयत्न चालु आहेत असं दिसतंय

बाकी द्विधा/विरोधाभास रोचक आहे हे खरंच